هذه الليلة المباركة بإذن الله أحب أن أشارك بقصيدة زجلية
أتمنى أن تنال إعجابكم ..
يَا خَيِّي ..
********
********
شَفْتَكْ مْعَبّسْ يَاخَيِّي
وْ مَضْيُومْ
وْ تْفَكَّرْتْ حَالْنَا بِينْ الْقَهْرَة
وْ الْهْمُومْ
عِيشَة تْشَفِّي الْعْدَا وْ الشِّيطَانْ
الْمَرْجُومْ
الْكَلْمَة مَا مَسْمُوعَة وْ الْحَقْ
مَهْضُومْ
الصْغِيرْ بَاكِي وْ الْكْبِير شَاكَي
وْ مَعْدُومْ
حْتَّالاَيْنْ هَاذْ الْحَزَّة وْ الْحَالْ
الْمَسْمُومْ
شْكُونْ يْعَاوَدْ بُنْيَانْ هَاذْ الْحِيطْ
اللِّي عْلَى ظْهُورْنَا
مَرْدُومْ
وْ شْكُونْ يَجْمَعْ الشْمَلْ الْمْشَتَّتْ
الْمَفْرُومْ
إِيهْ يَا دُنْيَا حَتَّى انْتِ تْعَجَّبْتِي لْخَيِّي
الْمَصْدُومْ
وْ لاَشْ تْعَجْبِي وْ انْتِ اللِّي غْدَرْتِي
وْ لَبَّسْتِيه الشُوكْ وْ غَرَّقْتِيهْ فِي
الْهْمُومْ
” أمنة عمر امغيميم “
المملكة المغربية
ليست هناك تعليقات:
إرسال تعليق